Wat bi´t Rode Krüüz gellen schall

Wi sünd for de Minschen door
Wer in´n Krieg to Molöör kummt, for den word sorgt.
Datt dat gor nich so wiet kummt, door sett sick dat Rode Krüüz binnen- und butenlands for in. Wi streeft also for Leben un Gesundheit un datt de Minsch ehrt un acht word. Wi wööt door duchtig mit to biedrägen, datt de Minschheit sick beter versteiht, tohopen hollt un op Duer den Freden bewohrt.

Wi sünd an keene Potei bunnen
For us von dat Rode Krüüz sünd all´ Minschen gliek. Wi kiekt nich nah Staat, Religion, Minschenslag un Stand. Wi geeft jeden Minschen so veel Hülp, as wi geben köönt, vor allen Deeln de, wer´t op meist nödig hebbt.

Wi hoolt us uut Striedereen ruut
Jeedeen schall us vertroon könen. Doorum stickt sick dat Rode Krüüz door nie nich twuschen, wenn Lü´e sick strie´et um verschieden Uutsehn, Ansichten un Globen un doorum sogoor opeeanner daalgaht.

Wi sünd free un eegenstännig
Dat Rode Krüüz steiht de Behöörden weltwiet bi ehre „humanitäre“ Hülp to´e Siet un hollt sick an Vorschriften in jedereen Land. Liekers hannelt dat in den togeben Rahmen eegenstännig, so as de Nootlaag dat verlangen deit.

Wi arbeit freewillig
De Lü´e von´t Rode Krüüz doot freewillig ehre Ehrenpflicht un streeft nich nah eegen Vordeel.

Dat Rode Krüüz gifft dat blooß eenmaal
In een Land kann dat blooß een Roode-Krüüz- Sellskopp gewen. Se is for all´ Lü´e door un deit ehren Deenst allerwegens in´t Land.

Dat Rode Krüüz gifft dat weltwiet
Unner dat weltwiede Daak von dat Rode Krüüz het jede enkelte Sellskopp datt glieke Recht as annere, aber ook desulbige Plicht annerswegen to helpen.